Бу ҳақда Қурилиш ва уй-жой коммунал хўжалиги назорати инспекцияси хабар берди.
Маълум қилинишича, Зарафшон шаҳри 12-кичик ҳудудида жойлашган кўп қаватли уйнинг биринчи қаватидаги хонадон эгаси ертўлага тушиш мақсадида ўзбошимчалик билан йўлак очган, ертўла қисмини ноқонуний равишда эгаллаб олган ҳамда хонадон ҳудудида бассейн қурган.
Мутахассислар таъкидлашича, бундай ўзбошимчалик билан амалга оширилган қурилиш ишлари кўп қаватли уйнинг конструктив мустаҳкамлигига салбий таъсир кўрсатиши, техник ҳолатини заифлаштириши ва аҳоли хавфсизлигига таҳдид туғдириши мумкин.
Аниқланган ҳолатлар юзасидан ҳуқуқбузар шахсга нисбатан белгиланган тартибда базавий ҳисоблаш миқдорининг 50 баравари миқдорида жарима қўлланилган.
Шунингдек, қонунбузилишларни аввалги ҳолатига қайтариш бўйича мажбурий ёзма кўрсатма берилди. Белгиланган муддатда камчиликлар бартараф этилмаган тақдирда, мажбурий тартибда чора кўрилиши маълум қилинди.
