Бу ҳақда Маданият вазирининг биринчи ўринбосари — Кинематография агентлиги директори Жаҳонгир Аҳмедов маълум қилди.

Энди ходимларнинг тўпланиб қолган 3 миллиард сўмдан ортиқ иш ҳақи бўйича қарздорлигини қоплаш масаласи ҳал этилади.

Айни пайтда «Ўзбекфильм» зиммасидаги 22 миллион еврога тенг кредит мажбурияти асосий масалалардан бири бўлиб қолмоқда.

Киностудияни 10 гектарлик ер майдони билан бирга гаровдан озод қилиш ҳамда кредит мажбуриятини ҳал этиш борасида Иқтисодиёт ва молия вазирлиги билан ҳамкорликда жиддий ишлар олиб борилмоқда.

«Ўзбекфильм» инқироз эмас, миллий кинематографиянинг рамзи бўлиши керак, деб ёзади Жаҳонгир Аҳмедов.