Мазкур индекс йирик компанияларнинг стартапларга инвестиция киритиш, акселерация дастурларини ташкил этиш ва истиқболли стартапларни сотиб олиш каби фаолиятини баҳолайди. 2026 йилда рейтингга илк бор мамлакатлар ва шаҳарлар ҳам киритилди.

Ҳисобот натижаларига кўра, Ўзбекистон 77 та мамлакат орасида 50-ўринни эгаллади. Марказий Евроосиё минтақасидан Топ-50 таликка кирган ягона давлат бўлди.

Шунингдек, мамлакат Осиёнинг Топ-10 талигида 9-ўринни қайд этди. Ушбу рўйхатга кирган Марказий Осиёдаги ягона давлат ҳам Ўзбекистон бўлди.

Шаҳарлар рейтингида эса Тошкент 286 та шаҳар орасида 90-ўринни эгаллади. Шу тариқа, минтақадан Топ-100 таликка кирган ягона шаҳар сифатида қайд этилди.

Ҳисоботда Ўзбекистоннинг учта йирик ташкилоти ҳам ўрин олган. Жумладан, Алоқабанк 213-ўрин, СҚБ 398-ўрин ва Uzcard 944-ўринни эгаллади.

Ушбу натижалар мамлакатда корпоратив секторнинг стартаплар экотизимидаги иштироки ортиб бораётганини кўрсатади. Компанияларнинг инновацион лойиҳаларга инвестиция киритиши ва янги ташаббусларни қўллаб-қувватлаши стартаплар ривожи учун муҳим аҳамиятга эга.

Стартап лойиҳалари ва уларни қўллаб-қувватлаш имкониятлари ҳақида маълумотни startupbase.uz платформасидан олиш мумкин.

Ҳисобот билан StartupBlink расмий сайти орқали танишиш мумкин.