Ташаббус Савдо-саноат палатаси ҳамкорлигида илгари сурилди.
Уюшма тадбиркорларнинг таклиф ва муаммоларини масъул ташкилотларга етказиш, уларнинг ечимини топишга кўмаклашиш билан шуғулланади. Бу ҳақда иссиқхоначилар билан ўтказилган учрашувда маълум қилинди.
Янги тузилманинг асосий мақсади — иссиқхона эгалари овозини бирлаштириш, уларнинг муаммоларини ўз вақтида кўтариш ва ечимини биргаликда топиш.
Шунингдек, 22 октябрь куни қабул қилинган Вазирлар Маҳкамаси қарорига мувофиқ, иссиқхоналар экологик талабларга риоя қилган ҳолда фаолиятини давом эттириши мумкин.
Қарордаги муҳим жиҳатлардан бири — аввал ўрнатилган фильтрлар белгиланган меъёрларга жавоб берса, уларни янгисига алмаштириш шарт эмас. Тегишли сертификат ва рухсатномалар асосида мавжуд ускуналардан фойдаланиш мумкин.
