Бокс бўйича Ўзбекистон терма жамоаси аъзоси Абдумалик Халоков (-60 кг) Осиё ўйинларида иккинчи бор чемпионликка эришди.
Ҳал қилувчи баҳсда жанубий кореялик Кан Донгхванга қарши рингга кўтарилган ҳамюртимиз рақибидан устун келиб, олтин медални қўлга киритди.
Шунингдек, дзюдо бўйича Ўзбекистон терма жамоаси вакили Музаффарбек Тўрабоев ҳам икки карра Осиё ўйинлари чемпиони бўлди.
У +100 кг вазн тоифасидаги финал баҳсида мезбон мамлакат спортчисини мағлуб этиб, шоҳсупанинг энг юқори поғонасидан жой олди.
