Павильоннинг меъморий концепциясига «Узумзор — ўтмиш мероси, бугунги ечим, келажак учун илҳом» ғояси асос қилиб олинган.
Ташриф давомида Зироат Мирзиёева павильонда намойиш этилган миллий экологик лойиҳалар ва ташаббуслар билан таништирилди.
«Zamin» фонди томонидан амалга оширилаётган «Eco-Schools Uzbekistan» лойиҳаси иштирокчилари Биринчи хонимга таълимнинг барча босқичларини қамраб олган узлуксиз экологик таълим тизимини тақдим этди. Мазкур тизим мактабгача ва бошланғич таълим учун LEAF, умумтаълим мактаблари учун Eco-Schools, олий ва ўрта касбий таълим муассасалари учун эса Eco-Campus дастурларини ўз ичига олади.
COP31 доирасидаги Ўзбекистон миллий павильони мамлакатимизда амалга оширилаётган экологик ислоҳотларни намойиш этиш, тажриба алмашиш ҳамда барқарор келажак йўлида халқаро ҳамкорликни мустаҳкамлаш учун майдон вазифасини ўтамоқда.
