Дар маркази таваҷҷуҳ – озод намудани фазои ҷамъиятӣ аз
сохтмонҳои ғайриқонунӣ, ободонӣ, рушди инфрасохтори муҳандисӣ ва фароҳам
овардани муҳити бехатари шаҳрӣ қарор дошт.
Аз ҷумла, иштирокчиён аз ҳудуди кӯча ва бозори «Катортол»
дидан карданд, ки дар он ҷо корҳои барҳам додани иншооти худсарона сохташуда,
ки солҳои зиёд ҳудуди пиёдагардонро ишғол карда буданд, идома доранд. Аз сабаби
чунин сохтмонҳои ғайриқонунӣ, одамон маҷбур мешуданд ба қисми роҳ бароянд.
«Имрӯз шаҳр фазои қонунии пиёдагардонро ба худи онҳо
бармегардонад. Роҳравҳо пеш аз ҳама барои одамон – кӯдакон, калонсолон, волидон
бо аробача, шахсони дорои маъюбият ва ҳамаи сокиноне, ки ҳар рӯз пиёда ҳаракат
мекунанд, пешбинӣ шудаанд», – гуфта мешавад дар иттилоияи ҳокимияти шаҳр.
Ҳамчунин корҳои ободонӣ дар маҳаллаи «Заркургон», масъалаҳои
баланд бардоштани эътимоднокии таъминоти барқ дар маҳаллаи «Навбаҳор» ва
мушкилоти мавҷуда дар зеристгоҳи ГЭС-9 дар маҳаллаи «Лутфий» мавриди омӯзиш қарор
гирифтанд.
Ҳамаи ин корҳои анҷомшаванда як ҳадаф доранд – бароҳаттар,
бехатартар ва муносибтар гардондани шаҳр барои ҳар як сокин. Манфиатҳои инсон ҳамчун
меъёри асосӣ дар рушди муҳити шаҳрӣ боқӣ мемонанд, ва ба тартиб даровардани
фазои ҷамъиятӣ қисми муҳими ин кори низомманд мебошад.
