Дар ин чорабинӣ беш аз 239 ҳазор намоянда аз зиёда аз 170 кишвар иштирок доранд. Ҳамчунин, 2 ҳазору 260 ширкат, аз ҷумла 54 ширкати миллию байналмилалии энергетикӣ, маҳсулот, технология ва дастовардҳои худро ба намоиш гузоштаанд. Илова бар ин, 30 павилёни миллӣ ташкил шудааст.
Барномаи кории чорабинӣ ба масъалаҳои калидии рушди соҳаи энергетика, аз ҷумла таъмини амнияти энергетикӣ, ҷалби сармоягузорӣ ва ҷорӣ намудани технологияҳои пешрафта бахшида шудааст.
Ӯзбекистонро дар намоишгоҳ вазири энергетика Шерзод Хоҷаев намояндагӣ мекунад. Дар доираи сафар ӯ бо вазири энергетика ва инфрасохтори АМА Суҳайл ал-Мазруӣ, директори генералии ширкати «Masdar» Муҳаммад Ҷамил Ал-Рамоҳӣ, раиси ширкати «AMEA Power» Ҳусейн Ал-Нувайс, директори генералии ширкати «ePointZero» Муҳаммад Ҳишом ва директори генералии ширкати «Etihad Water and Electricity» Юсуф Ал-Али музокирот анҷом дод.
Зимни мулоқотҳо ҷонибҳо дурнамои рушди ҳамкориҳои дуҷониба ва бисёрҷониба дар соҳаи энергетика, инчунин имкониятҳои тавсеаи ҳамкориро дар самтҳои ояндадор баррасӣ карданд.
Илова бар ин, Шерзод Хоҷаев дар мизи мудаввари вазирон, ки дар ҳошияи ADIPEC-2026 баргузор гардид, иштирок намуд.
