Дар
чорабинӣ олимону коршиносони ватаниву хориҷӣ, намояндагони
вазорату идораҳо, пажӯҳишгоҳҳои илмӣ, муассисаҳои таҳсилоти олӣ ва созмонҳои
байналмилалӣ иштирок намуданд.
Ҳайати
Ӯзбекистон аз намояндагони Вазорати энергетикаи Ҷумҳурии Ӯзбекистон, Пажӯҳишгоҳи
миллии манбаъҳои барқароршавандаи энергия, Ассотсиатсияи миллии энергетикҳои Ӯзбекистон
ва Донишгоҳи давлатии техникии Тошканд иборат буд.
Иштироки намояндагони Ӯзбекистон дар доираи лоиҳаи минтақавии
Green Skills for a Green Economy in Central
Asia («Малакаҳои сабз барои иқтисоди сабз дар Осиёи Марказӣ»),
ки аз ҷониби Ҷамъияти олмонии ҳамкории байналмилалӣ (GIZ) амалӣ мешавад, ташкил гардид.
Дар ҷаласаҳои умумӣ иштирокчиён масъалаҳои асосии рушди
энергетикаи барқароршаванда, ҷорӣ намудани технологияҳои инноватсионӣ, рақамикунонии
низоми энергетикӣ, истифодаи зеҳни сунъӣ дар идоракунии шабакаҳои барқӣ,
инчунин дурнамои рушди энергетикаи офтобӣ ва бодиро баррасӣ карданд.
Дар доираи конфронс маърӯзаҳои илмӣ оид ба баланд
бардоштани самаранокии истифодаи энергия, тавсеаи истифодаи манбаъҳои барқароршавандаи
энергия, табдили рақамии бахши энергетика ва омода намудани мутахассисони
баландихтисос барои соҳаи энергетикаи «сабз» пешниҳод гардиданд.
Конфронси байналмилалӣ ба майдони муҳими мубодилаи таҷриба
ва таҳкими ҳамкории минтақавӣ дар самти рушди устувор ва гузариш ба манбаъҳои
аз ҷиҳати экологӣ тозаи энергия табдил ёфт.
