BYD яке аз бузургтарин
истеҳсолкунандагони ҷаҳон дар самти мошинҳои барқӣ ва воситаҳои нақлиёти дорои
манбаъҳои нави энергия ба шумор меравад. Моҳи июни соли 2024 дар вилояти Ҷиззах
истеҳсоли мошинҳои ин тамға ба роҳ монда шуд.
Зимни мулоқот ҷонибҳо натиҷаҳои кунунии татбиқи лоиҳаи
истеҳсоли мошинҳои барқӣ дар Ӯзбекистон ва инчунин нақшаҳои минбаъдаи васеъ
намудани иқтидорҳои истеҳсолӣ, баланд бардоштани сатҳи маҳаллисозӣ ва рушди иқтидори
содиротии корхонаро баррасӣ карданд.
Ба масъалаҳои рушди инфрасохтори истеҳсолӣ, зиёд намудани
ҳаҷми содироти маҳсулот ва инчунин таъсиси шабакаи истгоҳҳои пуркунии босуръати
мошинҳои барқӣ дар ҷумҳурӣ таваҷҷуҳи махсус дода шуд.
Дар анҷоми музокирот ҷонибҳо омодагии худро барои таҳкими минбаъдаи ҳамкории дарозмуддат ва татбиқи бомуваффақияти лоиҳаи BYD дар Ӯзбекистон тасдиқ намуданд.
