Yangi aviaqatnov ikki davlat o‘rtasidagi transport aloqalarini mustahkamlash bilan birga, Xorazmga xorijiy sayyohlar oqimini oshirish uchun qo‘shimcha imkoniyatlar yaratadi.

Mazkur yo‘nalish bo‘yicha parvozlar haftasiga ikki marta — har payshanba va yakshanba kunlari amalga oshiriladi. Parvoz davomiyligi 2 soat 35 daqiqani tashkil etadi.

Ilk parvoz bilan Xorazmga Qozog‘istonning 10 ta turfirasi vakillari tashrif buyurdi. Ular uchun uch kunlik infotur tashkil etilmoqda.

Dastur doirasida mahalliy turoperatorlar ishtirokida B2B uchrashuvlar va vorkshop o‘tkazilishi rejalashtirilgan. Shuningdek, mehmonlar Xorazmning tarixiy-madaniy obidalari hamda viloyatning turizm salohiyati bilan yaqindan tanishadilar.

Bunday infoturlar Xorazm viloyatining Qozog‘iston turizm bozoridagi o‘rnini mustahkamlash, ikki mamlakat turfirimalari o‘rtasida bevosita hamkorlikni yo‘lga qo‘yish hamda o‘zaro sayyohlar almashinuvini oshirishga xizmat qilishi kutilmoqda.