Qorakoʻl tumanida 2021-yilning 1-yarim yilligi davomida oʻz tadbirkorlik faoliyatini yoʻlga qoʻyish va oilaviy daromadini oshirish maqsadida jami 1 ming 172 nafar xotin-qizlarga jami 15 milliard 282 million soʻm miqdorida imtiyozli kreditlar ajratildi.
Ularning 483 nafarini ijtimoiy himoyaga muhtoj, “Temir” yoki “ayollar daftari” ga kiritilgan xotin-qizlar tashkil etadi. Ushbu xotin-qizlarga 4 milliard.26 million soʻm imtiyozli kreditlar issiqxona, chorvachilik, parrandachilik, tikuvchilik va turli xizmat koʻrsatish sohalarini rivojlantirish maqsadida ajratildi. Tumanining “Tojikent” mahallasida “Ayollar daftari”dagi Feruza Akmurodova 60 million soʻm kredit evaziga 5 sotix issiqxona tashkil etdi.
Ushbu tashabbusi orqali F.Akmurodova turmush oʻrtogʻi, oʻzi va qizining bandligini taʼminlab, 4 tonnadan ortiq pomidor yetishtirdi. Shuningdek, Dilnoza Rasulova 27 million kredit evaziga 7 ta zamonaviy tikish mashinasi sotib oldi va hozirda oʻzi boshchiligida 8 nafar xotin-qizlar bozor talablaridan kelib chiqib tadbirkorlik bilan shugʻullanyapti, deb xabar beradi Qorakoʻl tuman hokimiyati matbuot xizmati.