Bosh prokuratura huzuridagi Departamentning Sergeli tumani bo‘limi tomonidan o‘tkazilgan tergovga qadar tekshiruvda bank mas’ul shaxslari fuqaro I.M.ning omonatga qo‘yilgan 500 ming AQSh dollaridan 300 ming dollarini o‘zlashtirib, talon-toroj qilgani aniqlangan.

Ma’lum qilinishicha, g‘umonlanuvchilar I.M.ning nomidan qalbaki ariza va boshqa hujjatlarni rasmiylashtirgan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) hamda 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilgan.

Hozirda tergov harakatlari olib borilmoqda.