Кездесуде екі мемлекет арасындағы практикалық ынтымақтастықты одан әрі нығайту мүмкіндіктері талқыланды.
Мемлекет басшысы бұл саммиттің Өзбекстан мен Албания қарым-қатынастары тарихында алғаш рет өтіп отырғанын атап өтіп, оның екіжақты байланыстарды сапалық тұрғыдан жаңа деңгейге көтеретін маңызды оқиға екенін айтты.
Тараптар саяси диалог пен түрлі деңгейдегі байланыстардың жандана түскенін атап өтті. Сондай-ақ Біріккен Ұлттар Ұйымы және басқа да халықаралық құрылымдар аясында өзара қолдау жалғасып келе жатқаны айтылды.
Келіссөздер барысында тауар айналымын ұлғайтуға, агроөнеркәсіп кешені, жасыл энергетика, геология, ақпараттық технологиялар мен цифрландыру, туризм және өзге де маңызды салаларда ауқымды кооперациялық бағдарламалар әзірлеуге ерекше назар аударылды.
Өзбекстан өнімдерін Оңтүстік Еуропа мен Жерорта теңізі нарықтарына жеткізу үшін логистикалық хаб ретінде Албаниядағы Дуррес портының мүмкіндіктерін пайдалану мәселесі де қарастырылмақ.
Тараптар экономикалық және инвестициялық ынтымақтастықтың құқықтық негіздерін кеңейтудің маңызын айрықша атап өтті.
Экономикалық күн тәртібін ілгерілету мақсатында Үкіметаралық комиссия құру және оның алғашқы отырысын биыл Ташкент қаласында өткізу жөнінде келісімге қол жеткізілді.
Мәдени-гуманитарлық салада өзара Мәдениет күндерін, кино көрсетілімдерін, көрмелер мен шығармашылық сапарларды ұйымдастырудың маңыздылығы атап өтілді.
Кездесу соңында көшбасшылар аймақтық және халықаралық күн тәртібіндегі өзекті мәселелер жөнінде де пікір алмасты.
