Энди Ўзбекистон фуқаролари Таиландга ташриф буюриш учун олдиндан Таиланд Қироллигининг расмий электрон виза портали орқали анкета тўлдириб, кириш визасини расмийлаштириши лозим.
Электрон виза анкетаси тўлдирилганидан сўнг виза учун тўлов Таиланд Қироллигининг Россия Федерацияси, Москва шаҳрида жойлашган элчихонасига шахсан ташриф буюрган ҳолда амалга оширилади, дея хабар қилди Ўзбекистон Республикасининг Бангкок шаҳридаги Бош консулхонаси.
Ўзбекистон Ташқи ишлар вазирлиги матбуот котиби Омонулла Файзиевнинг Gazeta’га маълум қилишича, ҳозирда Ўзбекистон фуқаролари учун қулайроқ тартиб яратиш мақсадида Таиланд томони билан музокаралар олиб борилмоқда.
«Биз Таиланд томони билан ушбу тартибни ўзгартириш бўйича музокаралар олиб боряпмиз», — деди у.
