Натижада Қорақалпоғистон Республикаси, Андижон, Жиззах ва Қашқадарё вилоятларида қонунбузилиш ҳолатлари аниқланди.
Жумладан, Қорақалпоғистонда «ECO TEKS CLUSTER» МЧЖ фаолияти ўрганилганда, 2023 йил 1 октябрдан 2026 йил 31 майга қадар пахта толаси, линт ва пахта ёғи маҳсулотлари тасдиқланган графикларсиз, тўғридан-тўғри шартномалар асосида сотилгани аниқланган.
Жами 38 та ҳолатда қонунчилик талаблари бузилган. Шундан 11 та ҳолатда пахта толасининг тўғридан-тўғри сотилиши натижасида биржа котировкаси ва шартнома нархи ўртасидаги фарқ ҳисобига 183,8 млн сўм асоссиз олинган маблағ аниқланган.
Андижон вилоятида «SADAF SOF UNLARI» МЧЖнинг фаолияти ўрганилди. Жамият 2025 йил июль–декабрь ва 2026 йил январь–апрель ойларида биржа орқали 3 918 тонна буғдой харид қилган ва ундан 2 646 тонна 75 фоизли буғдой уни ишлаб чиқарган.
Бироқ маҳсулотларни биржа савдоларига белгиланган ҳажм ва муддатларда чиқариш талабларига риоя этилмаган. Хусусан, 2025 йил июль ойида режага нисбатан 258 тонна маҳсулот кам қўйилган. Сентябрь, октябрь ва ноябрь ойларида эса тегишли равишда 840, 910 ва 810 тонна маҳсулот биржа савдоларига умуман чиқарилмаган. Декабрь ойида ҳам режага нисбатан 570 тонна маҳсулот кам қўйилган.
Жиззах вилоятида «GROUPTEXTIL» МЧЖ томонидан 2025 йил декабрь ойида 2 ҳолатда 1 186 тонна, қарийб 4,1 млрд сўмлик пахта чигити ва тола маҳсулотларини тасдиқланган муддат ва ҳажмларда биржа савдосига чиқармаслик ҳолатлари аниқланган.
Қашқадарё вилоятида эса «Касби тегирмони» МЧЖ томонидан биржага қўйиш режалаштирилган юқори ликвидли ва монопол маҳсулотларнинг бир қисми савдога чиқарилмаган.
Аниқланган ҳолатлар юзасидан ҳудудий органларнинг махсус комиссиялари томонидан «Рақобат тўғрисида»ги Қонуннинг 29-моддаси ҳамда Вазирлар Маҳкамасининг 170-сон қарори билан тасдиқланган Низом талаблари бузилгани бўйича ишлар қўзғатилди.
Қонунбузилишларни бартараф этиш, асоссиз олинган маблағларни қайтариш ҳамда келгусида бундай ҳолатларга йўл қўймаслик бўйича бажарилиши мажбурий бўлган кўрсатмалар берилди.
