Ишчи гуруҳга воқеани атрофлича ўрганиш, шунингдек, масъулларнинг хизмат вазифасига лойиқлигини кўриб чиқиш вазифаси юклатилган.
Вазирлик маълум қилишича, воқеага алоқадор ва ўз хизмат вазифаларига масъулиятсизлик билан ёндашган ходимлар ҳамда мансабдор шахсларга нисбатан ваколатли ташкилотлар доирасида тегишли чоралар кўрилади.
Ҳолатга дахлдор деб гумон қилинган таълим ташкилоти ходимлари билан тузилган меҳнат шартномалари бекор қилинган.
Шунингдек, бундай ҳолатларнинг бошқа мактабгача таълим ташкилотларида ҳам такрорланишининг олдини олиш мақсадида вазирликнинг махсус ишчи гуруҳи томонидан ҳозирда Ўзбекистондаги барча давлат мактабгача таълим ташкилотлари ходимлари текширилмоқда.
Вазирлик воқеага алоқадор барча ходим ва мансабдор шахсларга нисбатан қонунчиликда белгиланган тартибда зарур чоралар кўрилишини маълум қилди.
