«Дунё» ахборот агентлиги хабар қилишича, Ўзбекистоннинг Ашхобод ва Теҳрондаги дипломатик ваколатхоналари Туркманистоннинг тегишли идоралари билан ҳамкорликда виза ҳамда транспорт-логистика масалаларини тезкор ҳал қилган.

Маълум қилинишича, Туркманистон томонининг кўмаги билан 41 нафар Ўзбекистон фуқароси «Сарахс–Серахс» ва «Гаудан–Бажгиран» чегара ўтказиш пунктларида кутиб олинган.

Дипломатик ходимлар томонидан уларнинг Ўзбекистонга хавфсиз етиб келиши таъминланган.

Қайд этилишича, мазкур чора-тадбирлар Ўзбекистон ташқи сиёсатида фуқароларнинг ҳуқуқ ва қонуний манфаатларини ҳимоя қилиш устувор аҳамиятга эга эканини яна бир бор тасдиқлайди.

Шунингдек, мувофиқлаштирилган ҳамкорлик минтақадаги ўзаро ишонч ва яхши қўшничилик муносабатларининг юқори даражасини намоён этгани таъкидланган.

Дипломатик ваколатхона ҳеч бир фуқаро ёрдамсиз қолмаслигини билдириб, ватандошларни оиласи бағрига қайтариш ишлари инсон манфаатлари устуворлиги тамойили асосида изчил давом эттирилишини маълум қилди.