Ўзгидромет берган маълумотига кўра, 13 июнь куни Қорақалпоғистонда, 14 июнь куни эса Қорақалпоғистон, Хоразм, шунингдек, куннинг иккинчи ярмида Навоий ва Бухоро вилоятларининг айрим жойларида қисқа муддатли ёғингарчилик бўлиши эҳтимол қилинмоқда.
Дам олиш кунлари ҳаво ҳарорати кўпчилик ҳудудларда 36–38 даражагача, чўл зоналарида 40 даражагача, мамлакатнинг энг жанубий ҳудудларида эса 42 даражагача кўтарилади.
Шарқий йўналишдаги шамол тезлиги 7–12 м/с ни ташкил этиб, айрим жойларда 13–18 м/с гача кучаяди. Шимолий ва чўл ҳудудларида шамол тезлиги баъзан 20–22 м/с гача етиб, чанг-тўзонлар кузатилиши мумкин.
Тоғ олди ва тоғли ҳудудларда қисқа муддатли ёмғир ва момақалдироқ бўлиши, айрим жойларда сел-сув тошқинлари юзага келиши эҳтимоли сақланиб қолмоқда.
Тошкент шаҳрида 12–14 июнь кунлари ёғингарчиликсиз, кам булутли об-ҳаво кузатилади. Ҳаво ҳарорати кундузи 36–38 даражагача исийди, кечалари эса 20–23 даража атрофида бўлади.
