Ижтимоий тармоқларда тарқалган видеоларга кўра, қишлоқ аҳолиси бошланғич синф ўқувчиларини кўтариб, муздек сел сувини кечиб ўтказаётгани акс этган. Мазкур ҳолат ижтимоий тармоқларда кенг муҳокамаларга сабаб бўлди.
Қашқадарё вилояти ҳокимлиги Матбуот хизматининг маълум қилишича, масъул ташкилотлар ушбу вазиятдан хабардор. Жингил қишлоғидаги ҳудуд мавсумий сел сувлари оқиб ўтадиган табиий ўзан ҳисобланади.
Айни пайтда вазиятни ўрганиш, болалар хавфсизлигини таъминлаш бўйича зарур чораларни белгилаш ҳамда муаммонинг доимий ечимини топиш юзасидан тегишли ишлар олиб борилмоқда.
Вилоят ҳокимлиги Матбуот хизмати болаларнинг таълим муассасасига бориб-келишида хавфсизлигини таъминлаш бўйича чоралар кўрилишини маълум қилди.
