Фарғона шаҳрида яшовчи, муқаддам судланган фуқаро икки нафар аёлни Россия пойтахтида фоҳишалик билан шуғулланиб, пул ишлашга қизиқтирган.
У аёлларга авиачипталарни ўз ҳисобидан олиб беришини айтган. Москвага етиб боргач эса, улар ишлаб топган маблағнинг ярмини унга бериб туришини талаб қилган.
Давлат хавфсизлик хизмати ва ички ишлар органлари ходимлари ҳамкорлигида ўтказилган тезкор тадбир давомида мазкур шахс аёлларни Москвага жўнатаётган вақтида Фарғона халқаро аэропортида тўхтатилган.
Шу тариқа, унинг ноқонуний ҳаракатларига чек қўйилган.
Ҳолат юзасидан шахсга нисбатан жиноят иши қўзғатилиб, ҳозирда тергов ҳаракатлари олиб борилмоқда.
