У айбланувчига нисбатан қўзғатилган жиноят иши бўйича терговни унинг фойдасига ҳал қилиш, етказилган зарар миқдорини камайтириш ва қидирувни бекор қилишни ваъда қилган.
Давлат хавфсизлик хизмати ходимлари Бош прокуратуранинг Шахсий хавфсизлик бошқармаси билан ҳамкорликда коррупцияга қарши курашиш йўналишида тезкор тадбир ўтказди.
Тадбир давомида Иқтисодий жиноятларга қарши курашиш департаментининг Фарғона шаҳар бўлими терговчиси Жиноят кодексининг 167-моддаси билан қўзғатилган жиноят иши доирасида олиб борилаётган тергов ҳаракатларини айбланувчи фойдасига ҳал қилиш, етказилган зарар миқдорини камайтириш ва унга нисбатан эълон қилинган қидирувни бекор қилиш эвазига 100 минг АҚШ доллари миқдорида пора олганликда гумон қилиниб ушланди.
Ҳолат юзасидан мазкур шахсга нисбатан Жиноят кодексининг 210-моддаси 3-қисми «а» банди билан жиноят иши қўзғатилди.
Айни вақтда жиноят иши бўйича тергов ҳаракатлари олиб борилмоқда.
