Ўрганишлар натижасида Фарғона шаҳридаги «Мурувват» маҳалласида яшовчи фуқаро Т.М. томонидан, аслида, акула эмас, балки Сиам соми боқилаётгани маълум бўлди.
«Афсуски, интернетда кўп қаватли уй ертўласида акула боқиляпти, деган нотўғри хабар тарқалиб кетди. Бунинг учун узр сўрайман. Ҳозирда балиқларни ертўлада эмас, уйимнинг ҳовлисига жойлаштирганман», — деди фуқаро.
Маълумот учун, Сиам соми аквариум балиғи ҳисобланади. Ташқи кўриниши акулага ўхшагани учун у «акуласимон сом» ёки шунчаки «пангасиус» номи билан ҳам танилган.
