BFMTVнинг хабар беришича, бу ҳақда ички ишлар вазири Лоран Нуньес бу ҳақда брифингда маълум қилган.
"Бугун биз яна бир бор жуда юқори даражадаги зўравонликка дуч келдик, ҳибсга олинганлар сони аллақачон минг кишига яқинлашди", деди вазир.
Унинг сўзларига кўра, бу борадаги кўрсаткич 17 октябрь куни мамлакат бўйлаб кўплаб шаҳарлардаги норозилик намойишлари тартибсизликлар ва талончиликка айланиб кетганидан анча юқори. Вазир бугун баъзи дўконларга ҳам вандаллар ва ўғрилар томонидан зарар етказиланини тан олди, аммо уларнинг сони "жуда чекланган" ва "ўтган ҳафтади ҳолат билан таққослаб бўлмайди".
Бироқ, Нуньес фақат дастлабки маълумотларга эга эканлигини тан олди ва ўтган шанба куни шу вақтда 300 та дўконга зарар етказилгани ҳақида хабар берилганини, эртаси куни пешингача эса бу рақам аллақачон 3000 га етганини эслатди.
"Бугун кечқурун вазият бутунлай бошқача ва, албатта, биз бундан хурсанд бўлишимиз керак. Бунинг учун ички хавфсизлик кучларига миннатдорчилик билдираман", деб хулоса қилди у.
24 октябрь, шанба куни Франция бўйлаб касаба уюшмалари ва талабалар ҳаракатлари иштирокидаги оммавий намойишлар бўлиб ўтди. Ички ишлар вазирлиги маълумотларига кўра, норозилик намойишларида 410 минг киши иштирок этган, CGT касаба уюшмаси эса бу сон 800 мингга етганини тахмин қилмоқда, деб хабар берди report.az.
