Тадбирда институт профессор-ўқитувчилари, шунингдек, Қозоғистон, Польша давлатларидан олимлар ва талаба-ёшлар ўз маърузалари билан иштирок этди.
Конференция мактабгача таълимни ривожлантиришнинг замонавий тенденциялари, соҳада сунъий интеллект асосида болаларда креативликни ривожлантириш, Сингапур тажрибаси асосида мактабгача ёшдаги болаларда тушунчаларни шакллантириш, шунингдек, болаларни кундалик таҳдидлардан ҳимоя қилиш каби вазифаларга бағишланди.
Конференция давомида мактабгача таълим ташкилотларида хорижий тажрибадан фойдаланган ҳолда “Ўйинга йўналтирилган таълим ва тарбия“ жараёнини олиб бориш, мактабгача ёшдаги болаларда паремик жанрлар орқали экологик маданиятни ривожлантириш масалалари муҳокама қилинди.
Шунингдек, мактабгача таълимда инновацион тадқиқотларни такомиллаштириш, юзага келаётган ҳар қандай муаммоларга илмий ечимлар топиш бўйича ўзаро ҳамкорликни такомиллаштиришга йўналтирилган таклифлар ишлаб чиқилди.
Тадбир якунида институтнинг мактабгача таълим йўналиши 3-курс амалиётчи талабаларининг Нукус шаҳридаги 48-сонли мактабгача таълим ташкилоти тарбияланувчилари билан ҳамкорликда ташкил этган концерт дастури анжуман иштирокчилари эътиборига ҳавола этилди.
Минажатдин ҚУТЛЫМУРАТОВ,
“Янги Ўзбекистон“ мухбири.
