Таҳлилларга кўра, бугунга қадар жами 192 та шундай ҳолат аниқланган. Энг кўп қоидабузарлик Тошкент шаҳри ва Хоразм вилоятида қайд этилган — мос равишда 40 ва 60 та ҳолат. Шунингдек, Қашқадарё вилоятида 20 та, Тошкент вилоятида 14 та, Жиззах вилоятида 13 та ҳолат аниқланган.

Қонунбузарликлар учун жиддий жазолар қўлланмоқда. Хусусан, 32 нафар фуқарога нисбатан маъмурий баённома расмийлаштирилиб, 20 миллион 600 минг сўм жарима белгиланган. Яна 31 ҳолатда эса 2 миллион 60 минг сўм миқдорида жарима қўлланган.

Мутахассислар таъкидлашича, агар ҳайдовчилик ҳуқуқидан маҳрум этилган шахс қайтадан рулга ўтирса ва бу ҳолат такрорланса, у ҳолда масала жиноий жавобгарликкача етиб бориши мумкин. Бунда катта миқдорда жарима, мажбурий меҳнат ёки ҳатто озодликдан маҳрум қилиш жазоси ҳам белгиланиши эҳтимолдан холи эмас.

Фуқаролардан қонун талабларига қатъий риоя қилиш сўралмоқда. Ҳайдовчилик ҳуқуқидан маҳрум этилган шахслар белгиланган муддат тугагач, қайта ўқиш ва имтиҳонлардан ўтиб, гувоҳномани расман тиклаганидан кейингина транспорт бошқариши лозим.

Йўллардаги камералар эса қоидабузарликларни «кечирмайди» — ҳар бир ҳаракат назоратда.