Бу ҳақда «Умумий ҳарбий мажбурият ва ҳарбий хизмат тўғрисида»ги қонунга ўзгартириш ва қўшимчалар киритишга доир қонун лойиҳасида назарда тутилмоқда.
Мазкур қонун лойиҳаси Олий Мажлис Қонунчилик палатаси мажлисида биринчи ўқишдаги муҳокамалардан сўнг депутатлар томонидан қабул қилинди.
Таклиф этилаётган ўзгартиришлар Қуролли Кучлар сафида ҳарбий хизматни ўташнинг нуфузи ва жозибадорлигини ошириш, малакали ҳарбий кадрларни тайёрлаш ҳамда уларнинг салоҳиятидан самарали фойдаланишга қаратилган.
Шунингдек, лойиҳада олий ҳарбий ва хорижий олий ҳарбий таълим муассасаларининг учувчи мутахассислиги бўйича битирувчилари билан янги контрактлар тузишнинг ҳуқуқий асосларини белгилаш таклиф этилмоқда.
Муҳокамаларда китобхонлик танловларида юқори натижаларга эришган ҳарбий хизматчиларни рағбатлантириш, улар ўртасида китоб мутолааси ва китобхонлик маданиятини кенг тарғиб қилиш, маънавий-интеллектуал салоҳиятини оширишга хизмат қилиши таъкидланди.
Қайд этилишича, учувчи мутахассисларнинг касбий салоҳияти ва кўп йиллик тайёргарлиги ҳамда тажрибасидан самарали фойдаланиш ҳарбий авиацияни ривожлантириш ва Қуролли Кучларнинг профессионал салоҳиятини ошириш имконини беради.
