Бугун, 22 ноябрь куни соат 01:21 да мазкур электр узатиш тармоғи қайта ишга туширилиб, у орқали электр энергиясини узатиш тикланди.

Авария содир бўлган дастлабки соатлардан бошлаб энергетиклар ноқулай об-ҳаво шароити, мураккаб тоғли ва адирлик рельефига қарамай, туну кун, 24 соатлик узлуксиз иш режимида фаолият олиб бордилар. Уларнинг фидокорона меҳнати натижасида қулаган электр узатиш тармоғи таянчи қисқа муддатда қайта тикланиб, зарур таъмирлаш ва синов ишлари якунланди.

Энергетикларнинг машаққатли ва масъулиятли меҳнати туфайли мураккаб шароитдаги авария-тиклаш ишлари белгиланган меъёрий муддатлардан қисқароқ вақтда бажарилиб, электр узатиш тармоғининг фаолияти тикланди.