«Наманган аэропорти» чегара божхона пости ходимлари ДХХ Авиация хавфсизлигини таъминлаш ходимлари ҳамда Чегара қўшинлари ҳарбий хизматчилари билан ҳамкорликда «Наманган — Деҳли» йўналишидаги авиарейс орқали Ҳиндистонга учиб кетмоқчи бўлган фуқаронинг юкларини текширди.
Божхона ходимлари йўловчининг юклари орасидаги майиз ва ёнғоқ аралашмаси солинган пакетга эътибор қаратди. Синчиклаб текширилганда эса пакет ичига қўлбола усулда тайёрланган 4 та олтин қуймачаси ҳамда заргарлик буюмлари яширилгани аниқланди.
Маълум бўлишича, умумий оғирлиги 90,45 грамм бўлган ушбу заргарлик буюмларининг қиймати 108 миллион 540 минг сўмни ташкил этади.
Ҳозирда мазкур ҳолат юзасидан текширув ҳаракатлари олиб борилмоқда.
