Мўғулистон Миллий ахборот агентлиги МОНЦАМЭнинг хабар беришича, у бу ҳақда матбуот анжуманида маълум қилди.

“Барчангизга маълумки, сўнгги бир ой ичида айрим жиноий гуруҳлар Мўғулистон Президентининг шаъни ва лавозимига бепарволик билан ҳужум қилиб, унинг обрўсига путур етказишди. Менга ақлбовар қилмайдиган ва ўта оғир жиноят билан боғлиқ туҳмат ва ҳақоратлар ёғдирилди. Мен вазиятни кузатиб, бир муддат жим турдим. Бироқ, масъулиятли лавозимни эгаллаган шахс сифатида мен бугун ушбу баёнотни беришга қарор қилдим. Ҳамма қонун олдида тенгдир. Кеча Демократик партия ичидаги бир гуруҳ Мўғулистон Президенти истеъфога чиқиши ва тергов ўтказиши кераклиги ҳақидаги позициясини билдирди. Мен бунга қўшиламан”, деди у.

Мўғулистон Конституциясига кўра, Президент истеъфога чиққан, лавозимидан четлаштирилган ёки вафот этган тақдирда, парламент унинг ваколатларини тугатиш тўғрисида қарор қабул қилади. Янги давлат раҳбари сайланмагунча, парламент спикери ўз вазифаларини бажаради. Муддатидан олдинги президентлик сайловлари тўрт ой ичида ўтказилиши керак, деб хабар берди report.az.