Бош прокуратура ҳузуридаги Департаментнинг Андижон вилояти бошқармаси ходимлари томонидан ўтказилган тезкор тадбирда «Ватанпарвар» ташкилотининг Шаҳрихон ўқув-спорт техника маркази ўқитувчиси ушланди.
Терговга қадар ўтказилган суриштирувларда аниқланишича, у ҳайдовчилик гувоҳномасидан маҳрум қилинган фуқарога гўёки юқори лавозимда ишловчи танишлари орқали ҳайдовчилик гувоҳномасини қайта расмийлаштириб беришини ваъда қилган.
Бунинг эвазига 1 850 АҚШ долларини олаётган вақтида у ашёвий далиллар билан ушланган.
Мазкур ҳолат юзасидан Ўзбекистон Республикаси Жиноят кодексининг 168-моддаси (фирибгарлик) ҳамда 28, 211-моддаси (пора беришга далолат қилиш) билан жиноят иши қўзғатилган. Ҳозирда тергов ҳаракатлари давом этмоқда.
