Лаборатория шароитида ўтказилган тажрибаларда аминоцианин молекулалари ёрдамидаги усул инсоннинг агрессив меланома (тери саратони) ҳужайраларини 99 фоизгача йўқ қилишга эришган.
Усулнинг ишлаш тамойилига кўра, махсус молекулалар саратон ҳужайраси мембранасига бирикади. Сўнгра инфрақизил нур таъсирида молекулалар сониясига 40 триллион марта синхрон равишда тебрана бошлайди.
Олимлар бу жараённи шартли равишда «молекуляр болға» деб атаяпти. Бундай кучли механик тебранишлар саратон ҳужайрасининг ташқи қобиғини шунчаки парчалаб ташлайди.
Айтишларича, саратон ҳужайралари вақт ўтиши билан кимётерапияга мослашади. Бундай механик кучга қарши кўникма ҳосил қила олмайди.
Технология ҳозирча лабораторияда синовдан ўтган. Синовни инсонларда қўллаш учун ҳали хавфсизлик даражаси текширилади.
