Жумладан, 2025 йилда юртимизга қарийб 12 миллион хорижий сайёҳ ташриф буюргани, бу ютуқлар замирида соҳада меҳнат қилаётган минглаб инсонларнинг машаққатли меҳнати тургани қайд этилган.
Табрикда Хива, Самарқанд, Қорақалпоғистон ва бошқа ҳудудларда янги сайёҳлик масканлари ва йўналишларини ривожлантириш, туризм хизматларига замонавий технологияларни жорий этиш режалари баён қилинган. Мақсад – Ўзбекистонни дунёнинг энг машҳур туризм марказларидан бирига айлантириш.
Шунингдек, соҳа ходимлари меҳнатини муносиб эътироф этиш учун “Ўзбекистон Республикасида хизмат кўрсатган туризм ходими” фахрий унвонини таъсис этиш таклифи илгари сурилган. Қутлов туризм соҳаси вакилларига бахт-саодат ва фаолиятида янги муваффақиятлар тилаклари билан якунланди.
