«Замин» халқаро жамоат фондининг «Тоза ичимлик суви» лойиҳаси доирасида мактабларга ичимлик суви қурилмалари ўрнатилиб, улар аввалдан ўрнатилган сув тозалаш ускуналарига уланмоқда.
Мазкур ташаббус ўқувчиларнинг тоза ичимлик сувидан фойдаланиш имкониятини кенгайтириш, мактабларда таълим олиш учун қулай шароит яратиш ва болаларнинг ҳаёт сифатини яхшилашга қаратилган.
Фонд маълумотида қайд этилишича, тоза ичимлик сувидан фойдаланиш имкониятини кенгайтириш БМТнинг 4-Барқарор ривожланиш мақсади — «Сифатли таълим» ҳамда 6-Барқарор ривожланиш мақсади — «Тоза сув ва санитария»га эришишга ҳам ҳисса қўшади.
