Бугунги кунда гиёҳвандлик воситалари ва психотроп моддалар ноқонуний муомаласи билан боғлиқ жиноятлар учун жавобгарлик чоралари янада кучайтирилаётгани, бу борада кенг жамоатчиликка мунтазам равишда тушунтиришлар берилаётганига қарамай, ҳамон бундай ҳуқуқбузарликларга қўл ураётган фуқаролар учраб турибди. Афсуски, айримлар ноқонуний ҳаракатларининг ҳуқуқий оқибатларини англамасдан ёки бунга беписанд муносабатда бўлиб, ўзларини оғир жиноят гирдобига тортмоқда.
Хусусан, Бухоро вилояти божхона бошқармасининг Контрабандага қарши курашиш бўлими, Давлат хавфсизлик хизмати ҳамда ИИБ ҳамкорлигида гиёҳвандлик воситаларининг ноқонуний муомаласи билан боғлиқ яна бир ҳолат фош этилди.
Тезкор тадбир Шофиркон туманида олдиндан олинган тезкор маълумотлар асосида ташкил этилди. Тадбир давомида кузатувга олинган фуқаронинг яшаш хонадони холислар иштирокида белгиланган тартибда кўздан кечирилди.
Натижада, хонадон пойдеворининг остки қисмига яшириш мақсадида кўмиб қўйилган, умумий оғирлиги 2 кг 875 grammni ташкил этувчи «марихуана» гиёҳвандлик moddasi аниқланди.
