Унинг доирасида Ўзбекистоннинг хориждаги дипломатик ваколатхоналари ва консуллик муассасалари мамлакатимиз фуқаролари учун визасиз сафар қилиш имкониятларини кенгайтириш, виза расмийлаштириш тартиб-таомилларини соддалаштириш ҳамда замонавий ва қулай виза механизмларини жорий этиш бўйича хорижий ҳамкорлар билан музокараларни янада фаоллаштиради.
Асосий эътибор Ўзбекистон фуқаролари учун визасиз режимни жорий этиш, электрон визалар, соддалаштирилган виза тартиблари ва бошқа енгиллаштирилган механизмларни кенгайтиришга қаратилади.
Мазкур ташаббус мамлакатимиз фуқароларининг халқаро ҳаракатланиш имкониятларини янада кенгайтириш, хорижга сафар қилиш учун қулай шарт-шароитлар яратиш ҳамда Ўзбекистоннинг очиқ ва фаол ташқи сиёсатини изчил амалга оширишга хизмат қилади.
