Бу амалиёт босқичма-босқич мамлакатнинг бошқа ҳудудларига ҳам жорий этилади.
Транспорт назорати инспекциясининг Автомобиль транспортида назорат бошқармаси Тошкент шаҳри ва Тошкент вилояти ҳудудий бўлимлари инспекторлари назорат-рейд тадбирларида боди-камералардан фойдаланишни бошлади.
Маълум қилинишича, янги амалиётни инспекциянинг бошқа ҳудудий бўлимлари фаолиятига ҳам босқичма-босқич жорий этиш режалаштирилган.
Хусусан, 2027 йилнинг биринчи ярим йиллигида инспекция инспекторларини боди-камералар билан тўлиқ таъминлаш кўзда тутилган.
Қайд этилишича, боди-камералардан фойдаланиш назорат тадбирларини замонавий технологиялар асосида ташкил этиш, хизмат фаолиятида қонунийлик ва шаффофликни кучайтириш, шунингдек, фуқаролар ва тадбиркорларнинг ҳуқуқ ҳамда манфаатларини таъминлашга хизмат қилади.
