Маълум қилинишича, жорий йил 2 август куни соат 21:30 ларда Тошкент вилояти Тошкент тумани ҳудудида тунги хизматни ўтаётган ИИО ходимлари ва “Damas” русумли транспорт воситаси ҳайдовчиси, фуқаро А.Ш. ўртасида низоли ҳолат юзага келган.

Ҳодиса жараёнида фуқарога тегишли транспорт воситасининг кузови ҳамда ойналарига ҳаракат хавфсизлигига салбий таъсир этувчи ёзувлар — реклама тасвирлари туширилгани сабабли маъмурий баённома расмийлаштирилган.

Шу билан бирга, фуқаро билан мулоқот вақтида айрим ходимлар томонидан қўполликка йўл қўйилгани қайд этилди.

Ҳозирда мазкур ҳолат Тошкент вилояти ИИББ томонидан назоратга олиниб, белгиланган тартибда хизмат текшируви тайинланган.

Тошкент вилояти ИИББ ИИО ходимларини фуқаролар билан мулоқот қилишда қонунийлик принципларига қатъий риоя этишга чақирди.