Шу куни пойтахт кўчаларида жами 1 миллион 502 минг 57 та транспорт воситаси ҳаракатланди. Бу 3 сентябрдаги кўрсаткичга нисбатан 14 минг 807 тага ёки 1 фоизга кўп, дея хабар бермоқда Тошкент шаҳрида Йўл ҳаракатини ташкил этиш маркази.
Қайд этилишича, кун давомида йўл ҳаракати қоидаларини бузиш билан боғлиқ 4 минг 751 та ҳолат қайд этилди.
Куннинг энг гавжум вақтларида 6 та чорраҳада тирбандлик даражаси 7 баллга етди, яна 1 та чорраҳада эса бу кўрсаткич 7 баллдан ошди.
Тирбандлик кузатилган нуқталарда транспорт оқимини барқарорлаштириш мақсадида светофорларнинг иш режими мувофиқлаштирилиб, айрим йўналишларда яшил сигнал вақти узайтирилди. Шунингдек, ҳаракатни тартибга солиш учун зарур чорраҳаларга ЙПХ ходимлари жалб қилинди.
4 сентябрь куни Тошкентда 170 та йўналишда 1 минг 670 та автобус ҳаракатланиб, улар орқали 1 миллион 228 минг 158 нафар йўловчи ташилди. Метрополитендан эса 862 минг 53 нафар йўловчи фойдаланди.
Тошкент шаҳар Йўл ҳаракатини ташкил этиш маркази томонидан пойтахт кўчаларидаги транспорт оқими, тирбандлик даражаси ҳамда жамоат транспорти ҳаракати доимий мониторинг қилиб борилмоқда. Вазиятлар марказида ҳаракат интенсивлигидан келиб чиққан ҳолда светофорларнинг иш режимига тезкор ўзгартиришлар киритилмоқда.
