Маълум қилинишича, йўл инфратузилмасини яхшилаш, транспорт оқимини тартибга солиш ҳамда жамоат транспорти ҳаракати учун қулай шароит яратиш мақсадида олиб борилаётган ишлар сабабли 2026 йил 2 июль соат 01:00 дан 13 июль соат 06:00 га қадар Мустақиллик шоҳкўчасининг Мирзо Улуғбек кўчаси кесишмасидан Оққўрғон кўчасигача бўлган йўналишидаги қатнов қисми транспорт ҳаракати учун ёпилади.
Қайд этилишича, тирбандликларнинг олдини олиш ва ҳайдовчилар учун ноқулайликларни камайтириш мақсадида қурилиш ишлари давомида йўлнинг қарама-қарши қатнов қисмида ҳаракат вазиятидан келиб чиққан ҳолда айрим вақтларда икки томонлама ҳаракат ташкил этилиши мумкин.
Ҳайдовчилардан юзага келадиган ноқулайликлар учун узр сўраб, ҳаракат йўналишларини олдиндан режалаштиришни сўралди.
