Хабарларга кўра, АҚШ етакчиси бу фикрларни Fox News телеканали журналисти Лора Ингрэмга берган интервьюсида билдирган.
“Бу сайловдан сўнг дарҳол якунланиши керак”, — деди Трамп. “У [сайловдан] олдин ҳам тугаши мумкин, аммо менимча, бу айнан сайловдан кейин юз беради”.
Шу билан бирга, Оқ уй раҳбари Эронга қарши ҳарбий амалиёт бошлаш қароридан ҳеч қандай афсусда эмаслигини таъкидлади.
“Йўқ. Мен “афсусланиш” деган тушунчани тан олмайман. Агар буни қайтадан қилишга тўғри келса, айнан ўша ишни қилган бўлардим”, — деб жавоб берди Трамп ушбу масала бўйича берилган саволга.
Конгрессга оралиқ сайловлар 3 ноябрга белгиланган бўлиб, унда сайловчилар Сенатнинг 100 нафар аъзосидан 33 нафарини ҳамда Вакиллар палатасининг барча 435 нафар аъзосини сайлашади, деб хабар берди report.az.
