У Марказий Осиё минтақасидан комиссия таркибига сайланиш учун курашади.
ООК Атлетлар комиссияси таркибига сайланиш учун номзодларни эълон қилди. Рўйхатдан Ханчжоу–2022 Осиё ўйинлари совриндори, таэквондо WT бўйича Ўзбекистон терма жамоаси аъзоси Жасурбек Жайсунов ҳам ўрин олган.
Жайсуновнинг Марказий Осиё минтақасидаги асосий рақиблари Қозоғистон ва Эрон вакиллари бўлади. Улар — Париж–2024 Олимпиадаси иштирокчиси, қояга чиқиш бўйича қозоғистонлик Амир Маймуратов ҳамда таэквондо бўйича Париж–2024 Олимпиадаси чемпиони Ариан Салими.
Овоз бериш жараёни Аичи–Нагоя–2026 Осиё ўйинлари давомида — 20 сентябрдан 2 октябрга қадар Японияда ўтказилади.
Овоз бериш ҳуқуқига фақат Осиё ўйинларида иштирок этаётган спортчилар эга бўлади.
