Маълум қилинишича, рўйхатга олиш жараёнида мамлакат аҳолисининг 97,3 фоизи қамраб олинган. Қолган 2,7 фоиз аҳоли турли сабабларга кўра рўйхатга олишда иштирок этмаган.
Таъкидланишича, мазкур кўрсаткич халқаро амалиёт нуқтаи назаридан меъёрий ҳолат ҳисобланади. Айрим давлатлар тажрибасида рўйхатга олиш жараёнида қамраб олинмаган аҳоли улуши 10 фоиз ва ундан юқори бўлган ҳолатлар ҳам учрайди.
Матбуот анжуманида дастлабки ҳисоб-китобларга кўра, бир нафар аҳолини рўйхатга олиш учун сарфланган харажат 0,12 АҚШ долларини ташкил этгани ҳам маълум қилинди.
Мутасаддиларнинг таъкидлашича, бу натижа рўйхатга олишни ташкил этишда рақамли технологиялардан самарали фойдаланилгани ҳамда ташкилий харажатлар оптималлаштирилганини кўрсатади.
