Бу ҳақда Ўзгидромет тезкор гидрометеорологик ахборот берди.

Маълум қилинишича, 9 ноябрь куни мамлакатнинг шимолий ҳудудларига, 10–12 ноябрь кунлари эса республиканинг қолган ҳудудларига совуқ ва нам ҳаво массалари кириб келади.

9–11 ноябрь кунлари республика ҳудудининг катта қисмида ёмғир ёғади. Айрим жойларда ёғингарчилик кучли бўлиши мумкин. 10–11 ноябрь кунлари шимолий ва тоғли ҳудудларда ёмғир қорга айланади.

Шунингдек, айрим ҳудудларда шамол тезлиги секундига 13–18 метргача кучайиши кутилмоқда.

Прогнозга кўра, 9 ноябрдан шимолий ҳудудларда, 10–12 ноябрь кунлари эса мамлакатнинг қолган қисмида ҳаво ҳарорати аста-секин пасаяди.

Шимолий ҳудудлар ва чўл зоналарида:

  • кечаси 2–7 даражагача совуқ;
  • кундузи 3–8 даража илиқ бўлади.

Республиканинг қолган ҳудудларида эса:

  • кечаси 0–5 даража илиқ, айрим жойларда 1–2 даражагача совуқ;
  • кундузи 7–12 даража илиқ ҳарорат кузатилади.

Шу тариқа, ноябрь ойининг иккинчи ҳафтасида Ўзбекистонда кузги илиқ об-ҳаво ўрнини совуқ ва ёғингарчиликли кунлар эгаллаши кутилмоқда.