Бу ҳақда гидрометеорология хизмати тезкор ахборот берди.
Маълум қилинишича, 3–4 октябрь кунлари шимолий ва чўл ҳудудларида, 4–5 октябрь кунлари эса мамлакатнинг қолган ҳудудларида ёмғир ёғади. Айрим жойларда ёғингарчилик кучли бўлиши мумкин. Баланд тоғли ҳудудларда ёмғир қорга айланади.
Ҳаво ҳарорати аста-секин пасайиб, кундузи 15–20 даража, кечаси 5–10 даража илиқ бўлади. Шимолий ҳудудларда эса кундузи 12–17 даража, кечаси 2–7 даража илиқ ҳарорат кузатилади.
3–4 октябрь кунлари республика бўйича айрим жойларда шамол тезлиги секундига 13–18 метргача кучаяди. Баъзи ҳудудларда эса чанг-тўзон билан бирга шамол тезлиги секундига 20–22 метргача етиши мумкин.
Шунингдек, 5–6 октябрь кунлари республиканинг айрим ҳудудларида туман тушиши кутилмоқда.
