Дар шаҳри Тошканд сокини ноҳияи Юнусобод, соли таваллудаш 1993, боздошт шуд. Ҳангоми боздошт аз ӯ 257 грамм равғани ҳашиш дарёфт гардид. Дар ҷараёни чорабиниҳои фаврии минбаъда аз маҳалли зисти ӯ боз 2 килою 831 грамм равғани ҳашиш ва тарозуи электронӣ мусодира карда шуд. Муайян гардид, ки боздоштшуда дар як мағозаи интернетии фурӯши маводи мухаддир фаъолият мекардааст.
Дар ноҳияи Фарғона сокини маҳаллӣ, соли таваллудаш 1988, ҳангоми кӯшиши ба харидори шартӣ ба маблағи 10 ҳазору 700 доллари ИМА фурӯхтани 982 грамм ҳашиш боздошт шуд. Ин маводи мухаддир ба таври қочоқӣ аз кишвари ҳамсоя ворид карда шудааст.
Дар шаҳри Фарғона сокини шаҳр, соли таваллудаш 1997, боздошт гардид. Ӯ 956 грамм ҳашишро аз махфигоҳе дар ноҳияи Фарғона гирифта буд. Ба иттилои Хадамоти амнияти давлатӣ, маводи мухаддири мазкур қаблан аз кишвари ҳамсоя ба таври қочоқӣ оварда шудааст.
Аз рӯйи ҳар се ҳолат парвандаҳои ҷиноятӣ боз шуда, амалҳои тафтишотӣ идома доранд.
