Дар
байни ғолибон:
Ҷаҳоналӣ
Ҳайдаралиев — хонандаи синфи
9-уми мактаби ба номи Муҳаммад ал-Хоразмӣ, соҳиби медали нуқра;
Темур
Қодирбергенов
— хонандаи синфи 11-уми мактаби президентӣ
дар Нукус, соҳиби медали биринҷӣ;
Улуғбек
Раҳматуллоев
— хонандаи синфи 11-уми мактаби президентӣ
дар Намангон, соҳиби медали биринҷӣ;
Ҷаҳонгиршоҳ
Авазхонов
— хонандаи синфи 10-уми мактаби президентӣ
дар Намангон, соҳиби медали биринҷӣ.
Илова
бар ин, хонандаи мактаби
президентии шаҳри Навоӣ Сардорбек
Салимов бо ҷоизаи «Эътирофи фахрӣ» сарфароз гардид.
Ин
натиҷаи барҷаста натиҷаи мантиқии фаъолияти чандинсола дар самти рушди таҳсилоти
рақамӣ, дастгирии ҷавонони боистеъдод ва омодасозии мутахассисони оянда дар соҳаи
технологияҳои иттилоотӣ мебошад. Дар паси муваффақияти тими миллӣ меҳнати
пайвастаи худи иштирокчиён, маҳорати касбии мураббиён ва шароити фароҳамовардаи
кишвар барои рушди иқтидори зеҳнии насли ҷавон қарор дорад.
Дастоварди
хонандагони ӯзбекистонӣ
дар Олимпиадаи байналмилалии информатика, ки дар ватани онҳо баргузор шуд, на
танҳо саҳифаи наверо дар таърихи маорифи миллӣ боз кард, балки сатҳи баланди
омодагии барномасозони ҷавони кишварро низ тасдиқ намуд. Ин муваффақият барои ҳазорон
писарону духтароне, ки мехоҳанд ояндаи худро бо илм, технология ва навоварӣ
пайванд диҳанд, ангезаи қавӣ хоҳад буд.
