Намояндагони ширкат дар бораи чор лоиҳаи шаҳрсозӣ: ду лоиҳа дар Бухоро, яктоӣ дар ноҳияи Учтеппаи шаҳри Тошканд ва шаҳри Самарқанд маълумот пешниҳод карданд. Масоҳати умумии онҳо 285 гектар, ҳаҷми сармоягузорӣ 4,5 миллиард долларро ташкил медиҳад. Лоиҳаҳо барои 115 ҳазор нафар аҳолӣ пешбинӣ шудаанд.
Дар масоҳати 65 гектари ноҳияи Бухоро ва дар ҳудуди 25 гектари шаҳри Бухоро сохтмони мавзеъҳои нави истиқоматӣ оғоз гардидааст. Дар онҳо бунёди биноҳои баландошёнаи истиқоматӣ барои 30 ҳазор нафар, меҳмонхонаҳо, марказҳои тиҷоратӣ, иншооти савдо, хидматрасонӣ ва фароғатӣ пешбинӣ шудааст.
Лоиҳаи ноҳияи Учтеппа ба ташкили муҳити муосири шаҳрӣ, ташаббуси Самарқанд бошад, ба васеъ кардани инфрасохтори атрофи маҷмааи мавҷудаи сайёҳӣ нигаронида шудааст. Сармоягузори ветнамӣ ташаббуси таъсиси минтақаи саноатиро дар ноҳияи Зомини вилояти Ҷиззах низ пешбарӣ кард.
Президенти мамлакат консепсияҳои пешниҳодшударо тасдиқ кард ва зарурати истифодаи роҳҳалҳои пешрафтаи шаҳрсозиро дар лоиҳаҳо таъкид намуд. Ба масъулон дастур дода шуд, ки якҷо бо ширкат инфрасохтори зарурӣ ва механизмҳои амалисозии лоиҳаҳоро ҳамаҷониба ва дақиқ таҳия кунанд.
