Neurobiology of Aging журналында жәрияланған,
1 мың 208 адам қатнасқан алты жыллық изертлеў нәтийжелерине бола, натрийди (ас
дуздың тийкарғы компоненти) жоқары муғдарда пайдаланған еркеклерде эпизодик
еслеў қәбилетиниң тезирек төменлеўи бақланған. Есте сақлаўдың бул түри жеке
еске түсириўлер ҳәм күнделикли турмыс ўақыялары ушын жуўапкер есапланады.
Онда ҳаял-қызларда бундай ғәрезлилик анықланбаған, деп
жазады RuNews24.
Изертлеўшилердиң пикиринше, дуздың көп болыўы бир қатар
механизмлер арқалы, соның ишинде, исиниў процесслериниң күшейиўи, қан
тамырларының зыянланыўы ҳәм қан тәмийнатының жаманласыўы арқалы мийге унамсыз
тәсир көрсетиўи мүмкин.
Илимпазлардың атап өтиўинше, тиккелей себеп-нәтийжели
байланыс елеге шекем анықланбаған, бирақ аўқатланыў рационы когнитив
саламатлықты сақлаўда әҳмийетли роль атқарыўы мүмкин.
Олардың пикиринше, дуз қабыл етиўди қадағалаў жасқа
байланыслы есте сақлаўдың бузылыў қәўпин азайтыўдың әпиўайы жолы болыўы мүмкин,
бирақ жуўмақлар еле де терең үйрениўди талап етеди.
