Milliy statistika qömitasi maʼlumotlariga köra, oktyabr oyida mamlakatda tovarlar va xizmatlar narxi örtaça 0,6 foizga oşgan.
Narxlar özgarişi ayniqsa oziq-ovqat mahsulotlarida sezildi. Jumladan, qöy göşti 1,4 foizga, suyakli mol göşti 1,2 foizga, qiyma 1,1 foizga, sut 1 foizga qimmatlaşdi. Şakar esa 2,2 foizga arzonlaşdi.
Sabzavotlardan baqlajon va bodring 9 foizga, bulğor qalampiri 8,7 foizga qimmatlagan. Aksinça, olma 3 foizga, banan 1,3 foizga arzonlaşgan.
Oktyabr oyida benzin narxi örtaça 1 foizga, propan 0,4 foizga oşgan. Metan narxida özgariş kuzatilmagan.
Kommunal va boşqa xizmatlar orasida sovuq suv va kanalizatsiya xizmatlari 4,7 foizga, repetitorlik xizmatlari 1,6 foizga, taksi xizmatlari 1,3 foizga, çet tillari kurslari 0,8 foizga qimmatlaşgan.
Qayd etilişiça, oktyabr oyida yillik inflyatsiya 6,5 foizni taşkil etgan. Bu körsatkiç 2025-yil oktyabr oyidagi darajadan 1,3 foiz punktga past.
Narxlarni kuzatiş uçun 10 mingdan ortiq savdo va xizmat körsatiş nuqtalaridan 3 milliondan ziyod narxlar qayd etilgan.
